舊聞一則。
話說有日名模周汶錡身穿 Gucci 低胸高衩長裙，現身名車活動。
其妹周麗淇剛被「姣佘奪穎」，被「視后」佘詩曼強搶鄭嘉穎而甩拖。有記者建議 Kathy 帶 Niki 食蛇，她笑笑口說：「今年都唔係好凍，唔食！加上蛇好腥，自己最怕蛇，係蛇蟲鼠蟻中最驚。」 記者再問她是否最怕姣蛇，她說：「呢啲要搵專家捉，有毒，要擺入布袋，call 漁農署，漁農署電話幾多號。」
最近寒流到港，室溫仲凍過雪櫃蔬果格，朕也想起了「蛇」，是「蛇王芬」。它的足料蛇羹、咸魚肉餅煲仔飯、薑芽魚雲煲、鱆魚雞粒蒜香荷葉籠仔飯等都是冬天恩物。
除了蛇，「蛇王芬」的燉湯亦非常拿手。反正朕今天不想吃蛇羹 (不是因為好腥好毒，而是因為昨天吃過了。。。)，乾脆來喝湯就好。
「蜜瓜豬展燉螺頭」$73
冬天才有售的「季節限定」燉湯。看見牌面的食材，已知這湯是相當鮮甜 (的確是 !)。滋潤中不失清淡，尤其在寒風下喝最好，喝後全身暖笠笠。
農曆十二月亦是「臘月」，臘味飄香，正是吃臘腸的好時機。
招牌臘腸及潤腸，每樣一條。臘腸是非常香，但亦非常韌，咬到我「雞脾打人」。相對潤腸是好吃得多，用門牙輕輕一咬，皮脆甘香，鴨潤充滿油香，帶有丁點紹酒及甜味，超好下飯。早知要「孖潤腸」，唔要「鴛鴦腸」啦。
最後，不知周小姐有否看到此博落格，但本少爺也即管回應一下。「漁濃自然護理署」的熱線電話是 ﹣ 2708 8885 。
「蛇王芬」
地址 : 中環閣麟街30號地下
電話 : 2543 1032
伸延 IQ 題：
問題：「蛇 A 至蛇 Z，邊條爬得最慢」？
答案：「蛇 C」
沒有留言:
發佈留言